Fasnets-Dienstag 2021 - Verbrennung


Heut hen mir aos nun zusammagfunda,

um ausre geliebte Cäcilia Fasnacht den Flamma zu übergeba - unverwunda.

 

Sie hat gebracht dieses Johr leider koi allzu große Freid,

mir hens net raus doa durfa aoßer Kleid,

 

Dia Fasnet war wirklich ganz kloi,

doch ganz absaga goht net „noi noi“

 

Schuld war an Virus an dera ganza Misere,

doch schlucka hen mir miasa dia bittere Beere.

 

Dank dera Fasnetsbox und dem Internet,

hem mir zumindest a bissle freid kett und des meist im Duett.

 

Doch nun isch dia Zeit komma se zu übergeba da Flamma,

deswega standed mir heit au nommol zsamma.

Mir entzündet jetzt des Feuer,

dia närrisch Zeit und dia närrisch Regierung endet nun heuer.

Onder lautem Klaga müssa ma gesteha doch,

dia Fasnet hot oafach a Loch.

 

Mir standet nun do, weit nach vorn gebeugt,

Der Schmerz stark an ausra Seele säugt.

Doch lasset aos net zu stark lamentiera,

 

nächstes Johr lassa ma se wieder uffersteha und des dann hoffentlich ohne Vira.


Doch lasset uns alle nun gemeinsam die „Fürbitten“ sprecha:


Du nun zur Asche verbrannten Cäcilia, Ruhe in Frieden.

Wir verstreuen deine Asche in alle Himmelsrichtungen.

 

Ond au dia Regierung gäbe ma nun wieder ab,

Der Schlüssel ans Oberhaupt vom Ortschaftsrat.

 

Doch oins Andrea, ich dir jetzt sage,

Mir hollet en wieder, des stoht außer Frage.

 

Denn regiera des kennet mir Narra au,

vielleicht a weng andersch aber genauso schlau.

 

Drom Andrea vor dei Schloss leg ich ihn dir,

dann kasch du wieder nei zu deira Dier.

 

Vo deira Putzerei am Daoschdig war da Schlüssel ganz verschmiert,

ich habs net kenna sea und hab den noch kurz für di poliert.

 

Für den Kauf aosra Box mechta mir aos recht herzlich bei allna bedanka,

mir hoffet ihr seid komma auf andere Gedanka.

Dia Fasnetsbox war voll mit tolla Sacha,

mir hoffet ihr hattet was zom lacha.

 

Doch nun vorbei send dia Däg, des Gebot isch so,

 

Mir rufet a letscht´s mol no,

Euer Vize-Zunftmeister

       Tobias Steinke


Oh jerom, Oh jerom, dia Fasnet hot a Loch ...